ఇలా చేయాలని ఉంది
మౌనాన్ని ఛేదించాలనీ,
మనస్సులో మగ్గుతున్నమాటల బంధనాలను,
తెంచుకోవాలనీ ...
ఏదో అడగాలనీ...
అది నీకే చెందినదై ఉండాలనీ...,
అది నీకే చెందినదై ఉండాలనీ...,
పలికే ప్రతి మాటా మృదువుగా ఉండాలనీ..,
నిన్ను నొప్పెంచనే రాదనీ...
నే విసిరిన మంచు ఈటెలు,
నిను ఎంత గాయపరిచాయో అడగాలనీ...
సతత హరితమైన నీ సహనాన్నీ,
కంచే లేని నీ మంచితనాన్ని,
స్తుతించాలనీ...
ఎంత ఎదిగినా ఒదిగి ఉండే నీ ఉన్నత గుణాన్ని,
అక్షరాలతో ఆలంకరించాలనీ..,
మర్మమెరుగని నీ మనస్సుకు,
వడిశిల తగిలినా చలించని నీ నిగ్రహానికి,
సాష్టాంగ పడి నమస్కరించాలనీ..,
సాష్టాంగ పడి నమస్కరించాలనీ..,
స్వయం ప్రకాశమైన నీ ముందు,
వెల వెల బోయే దివిటీనైనా.,
కావాలనీ..,
హిమాలయమంతటి నీ ముందు,
ఓ చిన్ని హిమబిందువునైనా,
కావాలనీ..,
అక్షర శ్రీగంధమైన నీ పక్కన,
అగరు ధూపమైనా కావాలనీ..,
నా అణువణువూ రెండు హస్తాలుగా చేసి,
నీకు.నమస్కరించాలనీ...