"అందరూ కలసి రండి"

   అందరూ కలసి రండి,
   గొంతు దిగని దు:ఖాన్ని
   పంచుకుందాం రండి.

   చీకటి కోణాల నుండి,
   మురికి కూపాల నుండి ,
   గాయాల గేయాలు విందాం రండి.

   లేత ప్రాయపు నగ్న గుండెలపై,
   నర్తించే ఆకలి చూపుల,
   అన్యాయాలను అరికడదాం రండి.

   రాజదాని నడిబొడ్డు మీద,
   నాట్యమాడే లైంగిక ఆనందాన్ని,
   అడ్డుకుందాం రండి,

   నడిచే దారిలో సంచరించే,
   అరాచక పిశాచాలను,
   అదిలిద్దాం రండి.

   కాలు కదిపితే కక్షలే,
  కంటినుండి జారేవి లావాధారలే,
  అందుకే అక్షరిద్దాం రండి.