మాకు ఆకలేస్తుంది

    

    మాకు  ఆకలేస్తుంది.

    అన్నదాతా..... మాకు  ఆకలేస్తుంది,
    కానీ   నీ ఇంట  అన్నంకుండ  ఖాళీగా ఉంది.

    కృషీవలా... మాకు   దాహమేస్తుంది.
    కానీ  నీ ఇంట  కన్నీరే  దొరుకుతుంది.

    మా శిశువులకు  పాలు లేవు,
    కానీ   నీ ఇంట పాడి  పాడేక్కింది.

    రైతన్నా...,

    కాలిపోయిన  కలలు  శాశ్వతం  కాదు,
    రాలిపోయిన కంకులే ఏరుకుందాం. 

    గుప్పెడు గింజల పలహారమే చాలు,
    గుక్కెడు నీటితో గొంతు తడుపుకుందాం. 

    కరవు రక్కసి కాళ్ళు విరిచేసి,
    కలో, గంజో అందరమూ  కలసి తాగుదాం. 

    మట్టిపొరల కింద బంగారముంది,
    తట్టి చూడు చిరుమోలకై  పైకివస్తుంది. 

    గొంతులో  గరళాన్ని పోసుకోకు,
    గుండెలో ఆశల గూటిని  కట్టుకుందాం . 

    ఉరికొయ్యకు   వరి  కంకుల ఉట్టి కట్టు. 
    ఊరపిచ్చుకల  దీవెనలకై  దోసిలి పట్టు.