నేటి అనాథలే..రేపటి అన్నార్తులు.

నేటి అనాథలే..రేపటి  అన్నార్తులు.


ప్రశ్నించే  ఆ చూపులకు ..

నువ్వు  జవాబు  చెప్పలేవు.

దిక్కదించే  ఆ చూపులను,

దైర్యంతో  నువ్వు   డీ కొనలేవు. 

నగ్నత్వ  బహిర్గత  నిజాన్ని,

నీ కళ్ళతో  నువ్వు  కాంచలేవు.

విసిరేసిన  ఆ  కర్ణుల  గాధను,

నీ కర్ణంతో  నువ్వు వినలేవు.

వారిపై పడిన చీకటి  మరకలను,

ఏ వెలుగు వస్త్రం తోనూ  తుడవలేవు.

నువ్వెంత తల తిప్పుకున్నా,తల దించుకున్నా,

తల విదుల్చుకున్నా, తల ఊపుతున్నా...

నిత్యం  నీ ముందు నుండి  వెళుతూ..

నీ  కంటబడే  తలలు లేని  మొలలు వీళ్ళు.

భారతమ్మ భారంగా మోసే.. బాల్యం లేని,

భావి పౌరులు  వీళ్ళు.

భారతమ్మ  పురిటి  నొప్పుల  తరాజులో 

చీకటి   తప్పుల  తూకం రాళ్ళు  వీళ్ళు.