మీ మనసు(లు)ల్లో ఎదగాలని.

మీ మనసు(లు)ల్లో  ఎదగాలని.


నన్ను చూసి బొంద కూడా
పక్కున నవ్వింది
అక్కున చేర్చుకొంటూ...

భూమిపై   ఉన్నన్నాళ్ళూ ,
యెంత క్షోబ  పడ్డానో,
పంచేంద్రియాలతో  పరుల మాటలు
వింటూ.

అమ్మ కూడా తమ్ముడి
బట్టలు సరిపోతాయని
సంబర పడిపోతూ,

తోటి  ఆడపిల్లలు ,
పోడుగబ్బాయిలకు ,
నాతోనే లేఖలు పంపితే
కన్నీళ్ళను  ఆపుకుంటూ.

ఆలి వస్తే
అర్డంచేసుకుంటుందనీ ,
సంతానమైతే
సర్డుకుపోతారనీ ఆశపడుతూ...

మంచి పని చేస్తే,
మనిషి  అంటారనీ..
మీ అందరి కోసం మంచినే
ఎన్నుకొంటూ..,

దారివెంట వెళ్తుంటే,
నాకేవరైనా  నమస్కరిస్తే
బాగుండు అనుకుంటూ..

పురుష అహంకారం
అని తిట్టే అతివలు,
పురుష ఆకారాన్నే ,
చూస్తున్నారే  అని బాదపడుతూ...

సంతానానికి
బరువు కాకున్నా,
పరిచయానికి పనికిరానని
తెలుసుకున్నా...

ఏమి చేయను ,
ఎదగని మీ మనసుల్లో ,
ఒదిగిపోయిన
మరగుజ్జునే..