ఆడపిల్ల 

విరిసీ విరియని కలువని 
కొత్త కొలనులో పాతి  పెడితే,
తట్టుకొని నిలిచి తలఎత్తుకుంది. 

గుండెల్లో  ఎగిసిపడే  దిగులుని,
స్పర్శించి పరామర్సించితే, 
కంటనీరుదాచేస్తూ   కళ్ళు వాల్చింది. 

బరువు అనుకొని బలురక్కసి  పొదలమద్య,
అదృశ్య లోకాలలో  విసిరేస్తే,
విషాదగీతికై  విలపించింది. 

అనాగరిక ఆటవికుల మద్య,
జీవించమని ఆదేశిస్తే,
తలవంచుకొని  ఆచరించింది. 

దేవుడు ఎదురై  ఎమికావాలీ అంటే,
పెదవి విప్పి ఒకటే వేడుకుంది,
ఆడజన్మ  తప్ప, ఏదైనా ఇమ్మంది