గుర్తులు 

బస్టాప్  లో  నుల్చుంటానా,
అదిగో  అక్కడే  తచ్చాడే  చిరుగుల లంగా  చిన్నది,
నేను గుర్తున్నానా  అన్నట్లు చూస్తుంది, 
నేను  మరచిపోయిందెప్పుడూ.... 

టీకొట్టు  దగ్గరికి  వెళ్తానా ,
అడిగో  అక్కడే చొక్కాలేని చిన్నోడు,
చిట్టిచేతుల్తో  టీ  కప్పులు కడుగుతూ,
వచ్చావా  అన్నట్లు  చూస్తాడు,
నేను  రాకుండా  ఉండగలనా... 

గుడికి  వెళ్తానా  అక్కడ,  
రెండు  చేతులు లేని  వృద్దుడు  
మొండి  చేతులతో దండమెడుతూ,
వచ్చావా అన్నట్లు చూస్తాడు,
నేను రాకుండా ఉండగలనా... 

బడి ముందు  నుండి వెళ్తూ ఉంటానా,
కళ్ళు లేని  ఓ తల్లి,
నా అడుగుల చప్ప్పుడుకి  కర్ర టక ,టక  లాడిస్తూ,
వచ్చావా అన్నట్లు  కళ్ళు ఓ మారు ఆర్పుతుంది,
నేను రాకుండా ఉండగలనా,

నిద్ర నిండా ఈ స్వప్నాలే,
ఈ  ఒలికిన  కన్నీటి సాక్షాలే,
దేవుని ముందు నేను నిలపాల్సిన ,
ఈ సజీవ  చలనమెరిగిన  చిత్రాలే,
నేను  నివేదించకుండా  ఉండగలనా...........