అన్నా...

తొండలు  గుడ్లు పెట్టె  పొలంలో,
ఏమి పండిస్తావు?

బండలు నిండిన భూమిలో,
ఏమి బావుకున్టావు ?

చెప్పులు లేని  అరికాళ్ళలో,
కసుక్కున దిగిన ముల్లును  ఎలా తీసుకుంటావు ?

మడక దున్నేందుకు,
చచ్చిన బక్క ఆవును ఎక్కడ   తోలుకొస్తావు ?

కరువు శవాల గుట్టల్లో,
అయిన వారిని ఎలా వెతుక్కుంటావు ?

ఎరువులు కొన్న అప్పుల్లో,
ఎన్ని తప్పులో ఎలా కనుక్కుంటావు ?

బావులన్నీ   భవంతుల కింద,
నక్కిన నల్లుల్లా ఉంటె ఎలా చేదుకుంటావు ?

వ్యవసాయం  నీ నెత్తిమీదనే,
లేదని ఎలా తెలుసుకుంటావు ?

ఆకలి పెరిగి దబ్బున్నోడి పేగులు,
అరిచేవరకూ  ఆగి ఉండాలని  ఎలా తెలుసుకుంటావు ?

అన్నధాతవే  కానీ అనాథవు  కావని,
ఎవరు చెప్పితే వింటావు ?