అమూల్య బంధం

ఓ అందమైన  సాయంత్రం  

చల్లగాలిలా  నీ ఆగమనం 

యెదురు చూపుల అంతరం 

వెలుగునిచ్చు  సూరూడిలా

కనురెప్పల వాకిట  వెలసిన  

పారిజాత  తోరణంలా 

అనేక  శిశిర గాడ్పుల అనంతరం 

అరుదెంచిన ఆమనిలా 

కోటి మొక్కుల తర్వాత  

ఇల్లు చేరిన ఇలవేలుపులా

ఎడారి  వేడిమి  అనంతరం 

చెంత  చేరిన  వాసంతునిలా

నిదుర మరచిన   కనులకు 

కరిగిపోని  స్వప్నంలా 

తరిగి పోని   శుభ తరుణం లా 

ఆకరి  శ్వాస వరకూ తోడుండే  నేస్తంలా .