హితుడా....

      

      హితుడా.... 

       జీవితంలో కోతకు  గురవుతుంటే... 
       అరుదెంచిన స్నేహితుడా.. 

       రెక్కల  గుర్రాన్నెక్కి  గగనాన  ఊరేగుతుంటే..
       వాస్తవ కళ్ళాన్ని  అందించిన  మిత్రుడా.. .... 

       దు:ఖపు  సంద్రాన   దిక్కుతోచక  వెక్కుతుంటే.... 
       చుక్కానిలా  దారిచూపిన  నావికుడా..

       అహింసా వాదాన్ని   తలకెత్తుకుంటే.... 
       సరయినదే అని  సమర్ధించిన  అభినవ బుద్దుడా... 

       ఆత్మీయుల  కోసం  అలమటిస్తుంటే..,
       ఆత్మబంధువు  నేనే అని పలికిన శ్రీకరుడా.. 

       పరిత్యజించిన  అనుభవ జ్ఞాపకాలన్నీ  వెన్నాడుతుంటే.. 
       అమ్మలా  అక్కున చేర్చుకున్న ఆత్మీయుడా... 

       గువ్వగానో.., గులాబి పువ్వుగానో..,నవ్వుగానో..,నడిచే దివ్వెగానో..,
       నా అక్షరాన్ని మలచి  నీకు  అంకితమిస్తాను.