రైతన్నా,

   రైతన్నా,

   కాలిపోయిన కలలు మరచిపొదాం.

   రాలిపోయిన కంకులు ఏరుకుందాం.

   గుప్పెడు గింజల పలహారం చాలు,

   గుక్కెడు  నీటితో గొంతు తడుపుకుందాం.

   కరవురక్కసి  కాళ్ళు విరిచేద్దాం.

   కలో,గంజో  కలసితాగుదాం.

   మట్టి పొరలకింద బంగారముంది,

   తట్టి చూడు చిరుమొలకై  పైకి వస్తుంది.

   గొంతులో గూడు కట్టుకున్న గరళాన్ని దిగమింగు.

   గుండెలో ఆశల గూటిని కట్టుకుందాం.

   నీవు ఊగిన  ఉరికొయ్యని  నాగలి చేసి చూడు,

   అన్నదాతవై  అందరికీ   అన్నం పెడతావు. 

   పొలిమేరలపై   నీ  తమ్ముళ్ళ  పొలికేకలు చూడు,

   విత్తము కంటే విత్తు గొప్పదని చెప్పిచూడు.

   అమ్మ  రూపంలో ఉన్న అన్నవని తెలుస్తుంది,

   అన్నపూర్ణ గా  మరోమారు అవతారమెత్తిచూడు