నా నగరం
నాకు అందకుండా పెద్దద,పెద్ద
అంగలేసుకుంటూ వెళ్తుంది నా నగరం .
ఎత్తైన మేడలు ఎక్కుతూ ..,
కత్తి మీద సాముచేస్తూ కవ్విస్తుంది ,
రాత్రయితే జిగేల్మనే రాకెట్టులా..,
పబ్బుల్లో పైటజార్చి, క్లబ్బుల్లో పేకజారుస్తుంది.
అర్దరాత్రి దండాలకు అడ్డాగా మారి ,
అక్రమాల శవాన్ని భుజానమోసే విక్రమార్కుడవుతుంది.
కన్నబిడ్డలకు అన్నప్రాస చేయటానికి ,
అన్నదాతను అనాదను చేస్తుంది .
అమ్మ,అయ్యా లేని అనాథ నా నగరం ,
అన్నీ ఉన్నా ఏమీ లేని అభాగ్య నగరం.
తలారి పాలకులకు తల తాకట్టు పెట్టి,
ఏలుకొనే నాదునికి తాళి లేని పెళ్ళాం నా నగరం .