ఓ సారి ఇటు చూడు
చందురూడా .... !
నీ సిరివెన్నెల సిరులోలుకుతూ ..,
చిరుజల్లుల మరులోలుకుతూ ..,
రేరాణి మధుపర్కములను తమీతో తడుపుతూ ..,
కలువలరాయడా ...!
తారకలన్నీ దివి తోరణాలై వెలుగుతూ..,
మబ్బుల సెజ్జపై వెలుగులద్డుతూ..,
మింటి ఇంటికి ఇంద్రధనువు గొళ్ళెం పెడుతూ ..,
రేరాజా...!
అనిలుని కవ్వింతను అనలముగా తలంచుతూ..,
ఇనునికి,వారిజమునకూ ఈర్ష్య కలిగించుతూ..,
మనో మందిరాన పూలశరాలను సందించుతూ ...,
కలువభామ ఆకసానికి మేఘాల మెట్లు కడుతున్నది