చిన్ని ఆస్తి
నాకున్న చిన్ని ఆస్తి నా చొక్కా జేబులో ఇమిడి పోతుంది, అదేంటో తెలుసా? ఒకటి "చారణా" బిళ్ళ ఇంకోటి 'ఐస్ క్రీం" పుల్ల. ఇవి రెండూ నాకు ప్రాణం.
నాకున్న చిన్ని ఆస్తి నా చొక్కా జేబులో ఇమిడి పోతుంది, అదేంటో తెలుసా? ఒకటి "చారణా" బిళ్ళ ఇంకోటి 'ఐస్ క్రీం" పుల్ల. ఇవి రెండూ నాకు ప్రాణం.
అవునూ, నా గురించి మీకు చెప్పలేదు కదా, నాకు మూడేళ్ళు, మీరు నన్ను చాలా సార్లు చూసే వుంటారు. ఎక్కడా అనుకుంటున్నారా? ఫుట్ పాత్ మీద.
ఎర్ర సిగ్నల్ పడినప్పుడు ఒక్క నిమిషం నా వంక చూస్తారు. నేనక్కడే ఆడుకుంటూ ఉంటా. మీతో వుండేది మీ పాపనుకోండి, నేను కరెంటు స్థంభం చాటుకేల్తా. ఎందుకంటారా, నాకు సిగ్గు బాబూ, నా చెడ్డి చిరిగి పోయింది కదా.
మా అమ్మకీ ఆస్థి వుంది, అదంతా రెండు సంచుల్లోకి వస్తుంది. రెండు బొచ్చెలు, రెండు ప్లాస్టిక్ గ్లాసులు, రెండు చీరెలు. పూసలూ, బొమ్మలూ అమ్ముతుంది. మేముండే స్థలం కూడా రెండు బారలే. అసలీ "రెండు" అనే పదం మా బ్రతుకులో అచ్చు పది పోయింది. మేమూ ఇద్దరమే.
నేను అనుకుంటూ ఉంటా, ఎన్ని కార్లో, ఎన్ని మోటారు సైకిల్లో, అసలీ జనాలంతా అటూ ఇటూ ఎందుకు తిరుగుతుంటారు. షాపుల నిండా వీళ్ళే, హోటళ్ళ నిండా వీళ్ళే. ఏమి కావాలంటే అవి కొనుక్కుంటారు. ఎక్కడివి ఇన్ని డబ్బులు. సదువుకుంటే వస్తాయా. ఎట్లా సదువుకోవాలి. ఎవర్ని అడగాలి. నేను సదువుకోవాలంటే ఏం చేయాలి. అడగదామంటే ఒక్కరూ ఆగరుకదా.
మీకు తెలుసా మా అమ్మ చెప్తాది చానా మందికి రెండు జన్మలకి సరిపడా డబ్బులు ఉంటాయట.
నాకూ సదువుకోవాలని ఉంది. సదువుకుని డబ్బులు సంపాదించి అమ్మకూ నాకూ ఓ దుప్పటి కొనాలి. కానీ సదువుకోవడం ఎట్లా.
ఎవరైనా ఒక్క క్షణం ఆగి చెప్పండి.
ఎవరైనా ఒక్క క్షణం ఆగి చెప్పండి.