Pages

Tuesday 26 March 2013

   






     సాక్షి 
   
   అమ్మ అన్నపూర్ణ  సాక్షిగా ,
   పల్లెటూరు ఒకటుండేది.

   అన్న  రైతన్న సాక్షిగా ,
   అక్కడ అన్నం దొరికేది.

   కరువు కాటకాల  సాక్షిగా,
   ఇప్పుడక్కడ ఆకలి తాండవిస్తుంది.
   ఎండిన  పొలాల  కళేబరాల సాక్షిగా,
   సొక్కి  సోలిన  వరి పంటే ఉంది.

   రాబందుల  వికృత రెక్కల  సాక్షిగా,
   మా పాడి గేదె కాయం ఉంది.

   తెచ్చుకున్న అప్పుల సాక్షిగా,
   మా రైతన్న  ఊగిన ఉరికొయ్య ఉంది.

   పట్టనీకరణపు  తళుకుల సాక్షిగా 
   పల్లె మరోమారు  వల్లకాడైంది.

   ఇప్పుడు మన నాగరికత సాక్షిగా 
   పల్లెని సినిమాల్లో చూడొచ్చు .

   పట్నం నుండి తెచ్చిన ప్లాస్టిక్ చెట్ల సాక్షిగా,
   పల్లె  కళకళ లాడుతుండటం  చూడొచ్చు.

   కండలు తిరిగిన  సీమ హీరో  సాక్షిగా,
   మన బక్క రైతన్నని  మరచిపోవచ్చు.

11 comments:

  1. మారిన, మారుతున్న సమాజాన్నిలా రెండు కోణాల్లో కవితీకరించటం మీకే చెల్లు. బాగుంది మెరాజ్ గారూ!

    ReplyDelete
    Replies
    1. మీ అభిమానానికి ఆదరణకు ధన్యవాదాలు.

      Delete
  2. బాగా చెప్పారు !

    ReplyDelete
    Replies
    1. హర్షా సంతోసహం నీ స్పందనకు

      Delete
  3. ఊగిన ఉరికొయ్య ఉంది.

    an excellent illusion అంది.

    'ఉరికొయ్య' అంటే సరిపొయ్యేది.అయితే ఊగిన అనే
    ముందు మాట వల్ల ఇంకా ఎక్కువ irony తోడయింది అనేది నా ఉద్దేశ్యం. మీరేమంటారు?

    ReplyDelete
  4. మీ పోస్టింగ్ లాంగ్ ఫేసు కు కామెంట్ పెట్టాను చూడరా?

    ReplyDelete
  5. పట్టనీకరణపు తళుకుల సాక్షిగా పల్లె మరోమారు వల్లకాడైంది. excellent

    ReplyDelete
  6. రెండు సమాజాల వైరుధ్యం అలోచించేలా ఉంది.

    ReplyDelete
  7. ఒకప్పుడు అన్నపూర్ణ ఆ పల్లెటూరు
    కరువు కాటకాల పుణ్యం ఇప్పుడక్కడ .... ఆకలి, ఎండిన పొలాల కళేబరాల, రాబందుల వికృత రెక్కల టపటపలు.
    ఒక పక్కన పాడి గేదె కాయం, ఆ పక్కనే రైతన్న కొని తెచ్చుకున్న అప్పుల ఉరికొయ్య.
    ఒకప్పుడు అన్నపూర్ణ ఆ పల్లెటూరు ఇప్పుడు శ్మశానతుల్యం రైతు జీవితం దుర్దశను ఇంత వాస్తవంగా చిత్రించగలగడం ....
    అభినందనలు ఫాతిమా గారు

    ReplyDelete