అక్షరాయుధాన్నై ...,

    అక్షరాయుధాన్నై ...,

    చిక్కుముడి   సమాజ  సమస్యలకు ,

    సులువైన  మార్గాన్వేషినై ....,

    పగిలిన అడ్డం ముక్కలను ,

    అతికించే   ఐఖ్యతా  సూత్రాన్నై....,

    కీచులాటల   కీచకులను ఏకం చేసే,

    సామూహిక  సంఘటిత  శక్తినై....,

    జనన,మరణ దృవాల  మద్య ,

    సుఖ,దు:ఖాల  అయస్కాంత  ఆకర్షణనై ....,

    అచ్చిరాని   అనుబంధ అఘాదాల మద్య,

    మానవీయ  వారదినై..., 

    జనం గుండెల్లో జెండాగా ఎగురుతూ ,

    అట్టడుగు వర్గాల  ఆకలి కేకనై...,

    మనుషుల మద్య  విస్తరించే  రాక్షస,

    నిశ్శబ్దాన్ని పారద్రోలే  లిపి ఘోషనై ...,

    సరికొత్త   జీవనపేజీ కై  వెతికే ,

    అనంతాన్వేష  అవిశ్రాంత  అక్షరాన్నై...,

    తప్పుడు   తలకట్టుల   తలలు కొట్టే,

    చప్పుడు చేసే (శబ్ద)  యుద్ద  కవిత్వభేరి  మోగిస్తున్నా......