జీవితమా... శాసించకు

  "జీవితమా... శాసించకు"



ప్రతి అడుగుకూ ..అడ్డుపడే సంఘటనలూ ..,
తల  వంచుకొని    తడబడి  చెప్పే   సంజాయిషీలూ ...,


మానసిక    పరిపక్వతా   దశలోనే ....,
ఎదురయ్యే    వెదురుముళ్ళ   నిబంధానాంక్షలూ ...,


రెక్కలు విరచబడీ.. ... ముక్కులు కత్తిరించబడిన ,
వనాంతర   విహంగ    విహారాలూ...,


బలాత్కరించ   నిశ్శబ్ద   క్షణాల మీద ,
మౌనముద్రల  మానసిక  మారణహోమాలూ ...,


ఆత్మజులూ.....అత్మీయులూ, అంతరాత్మలూ ..,
నిర్దాక్షిణ్యంగా  నిరసించే  నిష్కృమణలూ ...,


బ్రతుకు  శిశిరాన   రాలుతున్న   హరిత పత్రాలూ...,
మోడువారిన  ఎడారిన  మురిపించే  ఎండమావులూ.... 


బిక్షమడిగే   బీతిల్లిన   బాదామయ బంధీకానాలూ..,
నీడసైతం    వీడిపోని   అనిశ్చత.... ఆలింగనాలూ..,