సాక్షులు

సముద్రుడు వినలేదా మన సరాగాలు

సైకత కనలేదా మన సరసాలు

మేఘుడు తరించాలేదా మన మధ్య   కురవాలని

పవనుడు తపించలేదా మన మధ్యకు   రావాలని

వసంతుడు విహరించలేదా మన ప్రేమ వనంలో 

వరుణుడు వర్షిన్చాలేదా మన భావ కవనంలో 

గిరి ఎరుగడా మన ఒడుపు  పట్టుని 

తరువు ఎరుగడా మన వలపు జట్టుని

అగ్ని ఎరుగడా మన భగ్న ప్రేమని

ధాత్రి ఎరుగాదా మన జన్మ ఆర్తిని

సోముడు చూడలేదా మన శృంగారాన్ని 

తారక పాడలేదా మన విరహ గీతాన్ని

హంస ఎరుగదా మన అలకని

హరిణి  ఎరుగదా మన అలసటని

మన ప్రేమ హర్షించని ఈ ప్రజకి పంచ భూతాలే సాక్షి పలకవా.


("బెంగుళూరు తెలుగు తేజం" మాసపత్రిక మార్చ్ 2012 లో ప్రచురితం)