గాయమైన గేయం

నీ  కోసం ఎదురుచూసే  సమయాన,

రాలేననే నీ సందేశం.

సాలెపురుగులా ఊహల దారాన్ని అల్లే తరుణాన,

విరిగిపడిన  ఇంటి చూరు.

జీవించే క్షణాలనే మరచి పోతున్న కాలాన,

తలపులను తవ్వుతూ.

చిరు పలుకుల కోసం తపించే  మదిలోన,

చెరిపివేసే  వాగ్ధానం.

నిరీక్షణ లో నుంచి  ఉన్మత్త  ఆవేశాన,

చటుక్కున నోరు జారిన పలుకులు.

మేఘాల ముంగురులు సవరించే నిముషాన,

పడమటి కొండల్లోకి జారిపోతూ.

రాతి పలకపై ప్రేమాక్షరంలికించే క్షణాన,

జారిపడి పగిలిన గుండె శకలాలు .

చలన రహిత నీడలే పలాయనమైన  వైనాన,

మూగబోయిన గుండె నిండా గాయమైన గేయాలే.