అన్నా... అన్నం పెట్టు

   

    అన్నా... అన్నం  పెట్టు 

    ఎక్కడున్నావ్,
    మెడసారించి  మేఘాలను 
    బ్రతిమిలాడుకుంటున్నావా...?

    గ్రాసం లేక,
    డొక్కలెండిన,
    బసవన్నలను ఓదారుస్తున్నావా...?

    ఆకలి తీర్చే,
    పథకాలన్నీ, 
    అటకలెక్కాయని వగస్తున్నావా..?

    అంబలి పోయలేక,
    ఆలు బిడ్డలకు,
    ముఖం చాటేస్తున్నావా...?

    అధికారులకు,
    దుర్బిక్షాలను,
    వివరించలేకపోయావా....?

    నేలతల్లిపై,
    వ్యాపారంచేసే  నీచులకు,
    అన్నం పెట్టిన చేత్తో  దణ్ణం పెడుతున్నావా..?

    వలసపోయిన,
    పల్లెవాసుల,
    పాదముద్రల్లో వెతలను వెతుకుతున్నావా..?

    అధైర్య పడకు,
    భూమాతను నమ్ముకున్నావ్,
    బువ్వ పెట్టకపోదు,
    ఎన్నికలోస్తాయి,ఎల్లలు మారుతాయి,
    కానీ.... ఆకలి మారదు,
    అందరూ తినేది అన్నమే సున్నం కాదు. 

(అన్నం పెట్టు  ఎవడికీ  దణ్ణం పెట్టకు,నీకు అండగా మా పెన్ను ఉంటుంది)