నీ ..నా

నీ ..నా

నువ్వూ  నేనూ  నడిచే   బాటలో   ఎవరు ముందు వెళ్ళాలి అనే  వాదనెందుకు?

నీకూ నాకూ తెలిసిన  గతంలో ఎవరిదిఎంత  తప్పో అనే   ప్రస్తావనెందుకు?

నీలో నాలో కలిగిన అసహనాల సెగలో  ఎవరు కాలిపొతారో  అనే  కలత ఎందుకు?

నీకై  నాకై  నిర్మించుకున్న  కుటీరంలో   ఎవరి వాటా ఎంత అనే  వాదనెందుకు?

నీది, నాది  అనుకున్న ఈ జీవనంలో  ఎవరి  స్థానం  ఎంతో   అనే  సందేహం ఎందుకు?

నువ్వూ నేనూ విడిపొవాలి  అనుకున్నప్పుడు  ఎవరి సలహాలూ  వినపడవెందుకు?

నీ, నా  అనుకున్న ఓ  ప్రాణి  మనకున్నప్పుడు  ఎవరికి చెందుతుందో  అనే  అనుమానమెందుకు?

నీవీ, నావీ నుదుటి  రాతలు  సరిగా లేనప్పుడు  ఎవరినో  నిందించే  ప్రయత్నమెందుకు?

నీవీ, నావీ  నడకలు  సరిగా ఉన్నప్పుడు  ఎవరి అడుగుల ఆసరానో  మనకెందుకు?

నీ, నా  సొంతమైన  ఓ  బుల్లి  దీపం  మన ఇంట  ఉండగా  ఎవరి కంటి  వెలుగో  మనకెందుకు?  

నీలో, నాలో  సంస్కారం  మెండుగా  ఉన్నప్పుడు  ఒకరినొకరు మన్నించుకొనేందుకు ఆలస్యమెందుకు?