ఇలా అనిపిస్తుంది

ఇలా అనిపిస్తుంది 

అలజడి రేపే  ఈ మనస్సు  కంటే  చలించని  శరీరమే  నయమనిపిస్తుంది.

అనుభవించే   వాస్తవాలకంటే   దుస్వప్నాలే  నయమనిపిస్తుంది.

నిదురరానిరాత్రి కంటే ,జ్ఞాపకాలతో  వీగిపోయే  వేకువే నయమనిపిస్తుంది.

నిశ్శబ్ద మోహపూరిత మనువు కంటే ,ముఖ పరిచయమే  నయమనిపిస్తుంది.

ఎదలోని  ఘోర  నిశ్శబ్ద యద్ధము కంటే , పెదవి దాటిన పలుకే  నయమనిపిస్తుంది.

ముఖం  తిప్పుకొనే  నిరసన కంటే, పలకరింపు లేని  విరహమే  నయమనిపిస్తుంది.

హృదయం మెలిపెట్టే  ఘోరనిరీక్షణ  కంటే , మనస్సును  మభ్యపెట్టే  ఊహే  నయమనిపిస్తుంది.

స్పందన  కలిగించలేని  స్పర్శ  కంటే,  రక్తమోడే  గాయమే   నయమనిపించింది 

రగిలించే  వర్తమానం  కంటే, నిదురించే గతమే   నయమనిపించింది.

వేదనను  భరించటం  కంటే, మనసారా  రోదించటమే   నయమనిపించింది.

శిక్షించే  అక్షరాలను  చదివేకంటే, నిరక్షరాస్యతే  నయమనిపించింది.

వేళ్ళ   చివర వేలాడే   ఈ జీవితం  కంటే  మరణమే  నయమనిపిస్తుంది.