ఎదురుచూపు

చల్లగాలి నీ ఆలోచనలనీ ..

పిల్లగాలి నీ ఆగమనాన్నీ .. 

గుర్తుతెస్తాయి.

రాత్రి నీ వలపునీ.. 

మైత్రి నీ తలపునీ..

మోసుకోస్తాయి.

మేఘాలు  నీ ఆకృతినీ..

రాగాలు నీ  ఆలాపననీ..

తలపిస్తాయి.

మౌనం నీ మోహాన్నీ ..

గానం నీ రాగాన్నీ..

వినిపిస్తాయి.

మనస్సు నీ మనుగడనీ ...

వయస్సు నీ ఒరవడినీ..

కూర్చి చూస్తాయి.

చిలిపితనం  నీ కోరికనీ..

కలికితనం నీ కౌగిలినీ..

కోరుకుంటాయి.

పిరికితనం నీ రాకనీ..

వంటరితనం నా రాతనీ..

పరిహసిస్తాయి.