సమాంతర రేఖ

సమాంతర రేఖ

నా గుండె నిండిన నీ తలపు ఆవిరై ఆశ్రువులా జారిందివెచ్హగా .... వ్యధగా, " నను అభాగినిని చేసి " 
నను నడిపించిన నీ చేయి దూరమై ఎండమావుల వెనక్కి వెళ్ళింది,

మెరుస్తూ ..... మురిపిస్తూ                                   " నను ఏకాకిని చేసి "

నా మనసును  ఆవహించిన  నీ  వలపు  ఆశై చూపులో స్థిరించింది,

నిశ్చలంగా ..... నిరీక్షణగా                            " నను  అనామికను చేసి "

నా  అందమైన ఊహాలోకంనుండి నీ స్వప్నం  కరిగిపోతుంది,

కాలుతూ ..... జారుతూ                                    " నను అవివేకిని చేసి "

నా  అపురూప చెలిమి తరువునుండి నీ స్నేహఫలం రాలిపోతుంది,

నిష్ఫలంగా ..... నిర్దయగా                          " నను నిర్గ్భాగ్యురాలినిచేసి "

అందమైన నా జీవన బాటలో నీ రాక మెరుపులా మెరిసి మాయమైంది,

నీడలా .....  నిరాశలా                                  " నను అభిసారికను చేసి "

మానసిక మైదానంలో ఏకాగ్రతను వెతుకుతూ చూపు చెదిరిపోతుంది,

అలలా ..... ఆవిరిలా                                          " నను తాపసిని చేసి "

నా జీవితాన్ని నడిపించిన నీ జ్ఞాపకం నిన్నలలో నిలుస్తుంది,

మసగ్గా ..... మాయగా                                     " నను నిరాదరిని చేసి "

నేను అలుపెరుగని బాటసారినే,  కానీ నిను ఎన్నటికీ కలువలేని సమాంతర రేఖను.